Հաշվետվություն

Դաստիարակների՝հունվար ամսվա սեմինարներ՝

Հունվարի իրականացված նախագծեր՝

Հունվարը սկսեցինք ըստ հունվարյան օրացույցի «Ձմեռային պարտեզ» նախագիծով, մի քանի օրվա առատ ձյունը ոգևորեց սաներին, դաստիարակներին ու ծնողներին, որոնք թավալվեցին, սահեցին, գլորվեցին ու խենթացան ձյան հետ: Ձնանկարչություն, ձմեռային մարզական խաղեր, զբոսանք, փորձեր: Մասնակցեցին «Բնագիտատեխնիկական» և «Դիջիթեք-2020» ստուգատեսներին: Էլ ի՞նչ հունվար առանց «Դդմածեսի, դդմագլորի, դդմագովքի»: Հունվարի 17-ին դաստիարակների «Նռանե» պարային համույթը մասնակցեց Ուրբաթ-համերգին:

Հունվար ամսվա հաշվետվությունները ըստ դպրոցների

  1. Ձմեռային պարտեզ. նախագծերի իրականացում, փաթեթների ամբողջացում:
    Հունվար-փետրվար նախագծերի փաթեթների ամբողջացում, հրապարակում:
  2. Գարնանային պարտեզ. նախագծերի մշակում, ամբողջացում:
  3. Դաստիարակների սեմինար պարապմունքներ:
  4. Դաստիարակների պարային համույթ`«Նռանե» :
  5. Նախադպրոցական հաստատությունների ամենամսյա վերապատրաստումներ:
  6. Դաստիարակների կողմից մեթոդական մշակումներ Դպիրում։
  7. «Գրավոր և բանավոր խոսքի մշակույթ» վերպատրաստման դասընթաց :
  8. Մենթորական աշխատանք :

 

 

«Դպրոցը Ամանորի բաց արվեստանոց» նախագիծ։ Լույսեր, գույներ, ղողանջներ, մեղեդիներ, ազդեցություններ

«Դպրոցը Ամանորի բաց արվեստանոց» նախագիծ։ Լույսեր, գույներ, ղողանջներ, մեղեդիներ, ազդեցություններ

Տոնակատարությունը ըստ դպրոցների

  1. Արևելյան դպրոց
  2. Արևմտյան դպրոց
  3. Հարավային դպրոց. Սոնա Նակաշյան, Անի Գրիգորյան 
  4. Հյուսիսային դպրոց
  5. Քոլեջ
    Աննա Հայրոյան և Հասմիկ Նազարյան
    Էմմա Տերտերյան և Իրինա Սարգսյան
    Նելլի Պողոսյան և Ծովինար Սարգսյան
    Վարդ Օսիպովա և Մարիամ Պետրոսյան
    Էլյա Գրիգորյան և Անի Մարտիրոսյան

Հաշվետվություն

Դաստիարակների՝ դեկտեմբեր ամսվա սեմինարներ՝

  • «Բանավոր և գրավոր խոսքի մշակույթ»
  • «Երաժշտամարզական պարապմունք. Ատամհատիկի ծես»

Դեկտեմբերին իրականացված նախագծեր՝

Դեկտեմբերին սկսեցինք «Ատամհատիկի ծես» նախագիծը։ Այս անգամ ծեսը դեկտեմբերի 10-ին էր, և պատահական չէր ընտրված օրը. Աիդա Պետրոսյանի ծննդյան օրն է։ Նա իր ծնունդով ուրախություն, ազատություն ու ստեղծականություն է պարգևել մեզ՝ մեծ ու փոքր սեբաստացիներիս։ Աիդապետրոսյանական ատամհատիկի ծեսի մեկնարկը տրվեց դեկտեմբերի սկզբին։
Հեռավար աշխատեցինք նաև ֆիզարձակուրդում գտնվող ծնողների հետ, ովքեր ժամանակ առ ժամանակ նկարահանում էին նյութերը, և հրապարակվում էր կայքում, ֆբ-էջերում։ Երկշաբաթյա երաժշտաթատերական պարապմունքից հետո դեկտեմբերի 10-ին, ժամը՝ 16։30-ին, հանդիպեցինք Սուրբ Երրորդություն եկեղեցում, որտեղ տեղի ունեցավ մանուկների օրհնություն, որին հաջորդեց աիդապետրոսյանական ատամհատիկի ծեսը Քոլեջում, ժամը՝ 17։00։ Ծեսն ուղեկցվեց ծիսական երգ ու պարով, բառ ու բանով, օրհնանքներով, գովքով, ծիսական խաղիկներով, հյուրասիրությամբ։
Դեկտեմբերի 18-20-ը դեկտեմբերյան վերապատրաստումների մեկնարկը տրվեց, ու այս անգամ «Զանգեր, գույներ ղողանջներ…» ամանորյա նախագծով ներկայացանք։ Նախակրթարանում տոնական եռուզեռ էր, բոլոր խմբերում պատրաստ էին այլընտրանքային, յուրահատուկ, տարատեսակ տոնածառերը, ուրախ տրամադրությունը, երգերը. տոնական խառնաշփոթ էր։ Վերապատրաստվողների օրը շատ հագեցած էր։ Մեզ էին միացել Օշականի «Գայանե» մանկապարտեզից Արմինե Աբրահամյանը, ով ամեն պահը լուսանկարում ու գրառումներ էր անում՝ հիացած ու շփոթված կրթահամալիրում տեղի ունեցող աշխատանքներով և գերհագեցած ծրագրերով, և Հրազդանից որպես կամավոր՝ Շողերը, ինչպես նաև «Մխիթար Սեբաստացի» կրթահամալիրի ուսանողներ Ջուլիետան(նա նաև ծնող է կրթահամալիրի) և Արաքսյան։ Մասնակիցները մեզ պես խենթ, ազատ ու ստեղծական էին։ Վերապատրաստվողների հետ պատրաստեցինք չարխափաններ, բարեմաղթանքների տոնական ծառ։ Էլ ի՞նչ տոնական տրամադրության առանց տարեգաթայի, Ասիլ-վասիլների։ Առավոտից խմբասենյակներից բուրում էր անուշ թխիկների հոտը։ Իսկ դաստիարակների մարզական պարապմունքն իրական իմացումի հրճվանք էր՝ է՛լ գլուխկոնծի, է՛լ թռիչքներ, է՛լ վնասվածքներ, է՛լ հրճվանք, է՛լ խենթություն։ Տե՛ս այստեղ
Հինգշաբթի օրը «Արտասահմանում» հանդիպեցինք կոմպոզիտոր Ռոբերտ Ամիրխանյանի հետ։ Հարց-պատասխան, ջերմ քննարկումներ։ Վերապատրաստվողները դարձել էին մեր մեծ ընտանիքի անդամ։ Երբ փոխանցվող էներգիան երկկողմանի է, անպայման ծնվում են համագործակցություն, կապեր, որոնք աստիճանաբար ամրանում են ու դառնում անքակտելի։  Իսկ դեկտեմբերի 19-ից 26-ը նախակրթարաններում ամանորյա ծես է։

Ներկայացնում եմ «Մխիթար Սեբաստացի» կրթահամալիրի՝ 2-4 տարեկանների խնամքի և զարգացման խմբերի տոնակատարությունների ժամանակացույցը.

Դեկտեմբերի 10-ին մասնակցեցինք նաև մանկավարժական հավաքին Գեղարվեստի «Հարթակում». թեման դաստիարակի օրագիրն էր։
Նախապատրաստվում ենք ձմեռային պարտեզին և հունվարյան ընտանեկան նախագծերին։

Հաշվետվություն

Դաստիարակների լաբորատորիա Նոյեմբեր ամսվա հաշվետվություն .

Դաստիարակների՝ նոյեմբեր ամսվա սեմինարներ՝

Նոյեմբերին իրականացված նախագծեր՝

Դաստիարակների հոդվածներ՝

Նոյեմբերի 3-ին դաստիարակների լաբորատորիան ներկայացավ «Աշխարհի շուրջ» միջազգային ներկայացմանը (հաշվետվությունը՝ տե՛ս այստեղ):
Նոյեմբերի 4-15՝ «Սեբաստացու օրեր. կրթահամալիրի տոն» Դաստիարակներն սկսեցին մի նախագիծ, որն անվանեցին «Իմ սեբաստացի ընտանիքը», (պատմում են սեբաստացի ծնողները)։ Երկու շաբաթվա ընթացքում հավաքվեց 30 պատում՝ մեկը մեկից յուրահատուկ, մեկը մյուսից պարտավորեցնող, ինչն ավելի էր ոգևորում դաստիարակին: Իսկ կրթահամալիրի տոնին նախապատրաստվում էինք մեծ ոգևորությամբ «Լավաշթխիկ-թթուդրիկ-վարդատունկ-ծառատունկ,» ուսումնական- ծիսական նախագծերով, դե գինին էլ ունենք խաղողածեսից: Թթու, լոշիկ, գինի և, իհարկե, նոյեմբերի 16-ին Սուրբ Երրորդություն եկեղեցում օրհնվելուց հետո մեծ ու փոքր սեբաստացիներով, հյուրերով, երգ ու պարով, ցուցահանդես վաճառքով, համտեսեցինք հարիսան: Մայրիկները շռայլորեն գնեցին սաների ձեռքերով պատրաստած թթուն, դե իսկ հավաքված գումարով էլ սաների հետ գնեցինք մարզական գույք:
Նոյեմբերի 18-22-ը նախադպրոցական դաստիարակների վերապատրաստումներն էին (ծրագիրը՝ այստեղ), մասնակիցները՝ երեքը՝ Քաղսիի մանկապարտեզից 2մասնակից և Երևանից ԵՊՀ-ի ուսանող և Հյուսիսում կամավոր դաստիարակ Մարինա Մկրտչյանը։ Վերապատրաստվողները դաստիարակների հետ մասնակցեցին ծննդյան ծեսի պարապմունքներին և նոյեմբեր 21-ին դաստիարակները Մարմարյա սրահում ելույթ ունեցան «Աստղազարդ» ծննդյան տոնին: Լավ հարթակ էր՝ թռնոցիներով, գովքով, օրհնանքներով, երգ ու պարով ծննդյան ծեսը յուրացնելու և նախակրթարաններում իրագործելու, ինչպես նաև նախագծի վերածելու համար։
Որպես մենթոր ուսուցիչ՝ նոյեմբերին աշխատել եմ 2-4 տարեկանների դաստիարակների հետ (աշխատել եմ առցանց)։ Աշխատանքները տեղադրված են դաստիարակների համագործակցության բլոգում, որտեղ կտեսնեք դաստիարակների պատումները, իրականացրած նախագծերը, դաստիարակի ինքնակրթությունը, դաստիարակի ընթերցում-վերլուծումը։ Մնացածը՝ տե՛ս բլոգում։ Որպես մենթոր ուսուցիչ՝ նոյեմբերին համագործակցել եմ նաև 5տարեկանների հետ՝ Քոլեջի, Հյուսիսի և Արևելքի 5 տարեկանների խմբում «Խոհանոցը՝ բաց լաբորատորիա» նախագծով։
Դաստիարկները ներկա են եղել Սուրբ Սարգիս եկեղեցում «Հոգևոր Հայաստան» խորագրով սեբաստացի երգչախմբի ելույթին, ինչպես նաև նոյեմբերի 20-ին Հարություն Թոփիկյանի և կամերային երգչախմբի՝ «Կոմիտասը մենք ենք» խորագրով համերգին, որը շատ կարևորում եմ: Լսում են Կոմիտաս և այն տանում խումբ:
Մարիետ Սիմոնյանի առաջարկով և աջակցությամբ նոյեմբերի 11-ից սկսեցինք դաստիարակների վերապատրաստման սեմինարներ, որոնք վարում են Մարինե Մխիթարյանը և Լիլիթ Սահակյանը։«Բանավոր եվ գրավոր խոսքի մշակույթ» վերպատրաստման դասընթացի ծրագրերն ու ամփոփումները։
Դեկտեմբեր. Ձմեռային պարտեզ. նախապատրաստվում ենք ատամհատիկի ծեսին և Ամանորին՝ գույներ, զանգեր, ղողանջներ…

Աշխարհի շուրջ

«Մխիթար Սեբաստացի» կրթահամալիր դաստիարակների լաբորատորիա։
Հոկտեմբերի սկզբին Քնարիկ Ներսիսյանից նամակ- հրավեր ստացա, որ կրթահամալիր են ժամանելու արվեստի մարդիկ՝ վարպետներ Կատարժինա Սանան (դերասան, օդային ակրոբատ, ջութակահար, 23 տարեկան, Լեհաստան) և Լուի Փոիսոն( երգիչ, երաժիշտ.կիթառ, դաշնամուր, հարվածային գործիքներ, ֆլեյտա, ժանգլյոր, ակրոբատ, 21 տարեկան, Ֆրանսիա) «Կրթական փոխանակումներ.կրկես և պլաստիկ թատրոն» վերապատրաստման դասընթացով և մեզ հետ կլինեն հոկտեմբերի 19-ից նոյեմբերի 3-ը, երկու շաբաթ կապրեն և կաշխատեն կրթահամալիրի Հյուսիսում։

Ծրագրում՝

  • Ակրոբատիկա,
  • ժանգլյորություն,
  • կոնտակտային իմպրովիզացիա,
  • տարբեր ազգերի պարեր,
  • օդային հմտություններ,
  • երգ և ռիթմիկա,
  • դերասանական արվեստ,
  • շարժում և բեմական կապ։

Մեզ ի՞նչ է մնում՝ ուրախությամբ տեղեկացնել մեր խենթերի խմբին (դատիարակներին)…. Ստացա դրական պատասխան։ Ուրախությամբ և մեծ ոգևորվածությամբ հայտագրվեցինք, և հանդիպումը շատ չուշացավ ։ Առաջին հանդիպման ժամանակ ծանոթացանք և սկսեցին ներկայացնել ծրագիրը. սկզբնական շրջանում թարգմանում էր մեր շրջանավարտ Սուրեն Պողոսյանը ։
Ամենաառաջինը, ինչը գրավեց ինձ, այն էր, որ միակ նպատակը և առաքելությունը մեզ միասնական , գերագույն հաճույք , ներքին և արտաքին հրճվանք, սրտի թրթիռ արթնացնելն էր ։ Շատ կարևոր կյանքի կանոներ էին ամեն անգամ մեզ «ներարկում»՝ սկզբի 15-20րոպեն հոգու խաղաղության, ներքին և արտաքին ներդաշնակության ձևավորում, ու առաջնայինը այն է բեմում, որ բաց թողնես դրական էներգիա, այն է՝ ինքդ առաջինը հաճույք պարգևես քեզ, ապրես ներկայացումը, խաղաս, արարես, սավառնես, զգաս մարմնիդ յուրաքանչյուր բջիջը ու նոր շռայլորեն իրավունք ունենաս այն մատուցել մի շնչով, մի ակնթարթով, արդար լինես ինքդ քո հանդեպ՝ պարգևելով և ստանալով այդ գերբնական ուժը։ Զարմանալի է, բայց էնպես արագ ու մատչելի էին ներկայացնում, որ անհավանականը միանգամից վերանում էր, էներգիան մի ակնթարթում երակներովդ այնպես էր սնուցում սիրտդ ու միտքդ, որ միանգամից հայտնվում էիր օդային համարներում։
Առաջին հանդիպման ժամանակ ֆիլմը պատրաստում էի ու մտածում՝ սա մենք ե՞նք…. պարզվում է՝ ամեն մարդ իր ծննդյան օրվանից օժտված է հսկայական ստեղծական ներուժով: Կարևորն այն է, որ կարողանաս իսկապես այն բացահայտել: Երևակայությունն է ընկած յուրաքանչյուր մարդկային ձեռքբերման հիմքում: Երևակայությունը մեզ հնարավորություն է տալիս ստեղծագործաբար մտածել։ Երևակայությունից հետո հաջորդ քայլը ստեղծականությունն է, ստեղծագործենք ազատ և վայելենք այն: Եվ այդ ամբողջ ընթացքում գլխումս պտտվում էր միայն Ռիչարդ Բախի «Ջոնաթան Լիվինգսթոն անունով ճայը», ով օժտված էր անսահմանափակ հնարավորություններով, ում համար գլխավոր նպատակը կերը չէր, այլ՝ թռիչքը…
Շնորհակալ եմ երկշաբաթյա ճախրանքի, խենթություների, համագործակցության, նոր ընկերներ ձեռք բերելու համար, թեև իրար լեզու չէինք հասկանում (ասեմ ավելին՝ լեզուն ընդհանրապես մեզ չէր խանգարում հաղորդակցվել)։ Իսկ երբ միտքդ ,սիրտդ ու հոգիդ նվիրվում է, լեզուն ավելորդություն է ։ Միմյանց հասկանում էինք ցանկացած ժեստից, կարող էր դա լիներ ժպիտը, հայացքը, ձեռքերի շարժումը. չգիտեմ՝ նկատե՞ց հանդիսատեսը, թե՞ ոչ, բայց մենք ամբողջ ընթացքում իրար էներգիա էին փոխանցում հայացքով, մենք միմյանց էինք նայում և փոխանցում այդ մեծ էներգիայի հոսքը։ Մեզ սովորեցրին, որ գլխավորը միասնականությունն է, սերը՝ տիեզերական սերը՝ էներգիայի մեծ պաշար պարգևող։ Շնորհակալ եմ և ափսոսում եմ, որ այսքան արագ անցան օրեր ։ Քնարիկ Ներսիսյան և ընկերներ , սպասում ենք նոր ճախրանքի ։

Տիեզերքի բոլոր գործընթացները զարկերակային են: Ապրելու համար մենք շնչում ենք. Որպեսզի թթվածինը հարստացնի հյուսվածքը, սիրտը ընդլայնվում և կծկվում է ամեն վայրկյան: Մենք քնում ենք և արթնանում: Մենք ապրում ենք, մեռնում ենք, և հետո մեր հոգին նորից հայտնվում է այս երկրի վրա: Տիեզերքում մեկանգամյա գործընթացներ չկան: Մեր Երկիրը պտտվում է ժամանակի երկու հոսքում: «Ձախ» և «աջ» հասկացությունները բնական են ինչպես նրա համար, այնպես էլ ցանկացած կենդանի էակի համար: Մարդկանց մոտ մարմնի աջ կողմը կապված է ապագայի հետ, ձախը `անցյալի հետ: Ապագան հոգևոր է, անցյալը ՝ նյութական: Թողնենք անցյալը և ապագան ապրենք և արարենք ներկայով ։ Սերը հզոր ուժ է ։
Հ.Գ. չեմ մոռանա դաստիարակների՝ ոգևորված, ուրախ, եռանդուն և պատրաստակամ, առանց տրտնջալու հանդիպումները։

Իսկ վերջում սրտով, մտքով և մարմնով  ճախրեցինք  ԱՇԽԱՐՀԻ ՇՈՒՐՋ։

Ֆիլմը`Անահիտ Գրիգորյանի
Լուսանկարը`Անի Սարգսյանի

Հոկտեմբերի հաշվետվություն

Դաստիարակների լաբորատորիա .Հոկտեմբեր ամսվա հաշվետվություն Դաստիարակների՝ հոկտեմբեր ամսվա սեմինարները՝

Հոկտեմբերին իրականացված նախագծերը՝

Շարունակել կարդալ “Հոկտեմբերի հաշվետվություն”

Հաշվետվություն

Դաստիարակների լաբորատորիա. Սեպտեմբեր ամսվա հաշվետվություն:
Յուրաքանչյուր ամսվա սկզբին տեղի է ունենում դաստիարակների հավաք -պարապմունք, որտեղ միասնական, ըստ ուսումնական օրացույցի, քննարկում ենք մեկ ամսվա աշխատանքային գործունեությունը, նախագծերը, ինչպես նաև 2-4 տարեկանների խնամքի և զարգացման խմբերի հիգիենայի, սննդի, անվտանգության ճիշտ կազմակերպման նորմերը։ Սեպտեմբերի երկշաբաթյա պարապմունքները տեղի ունեցան առցանց, քանի որ որոշ խմբերում երկրորդ դաստիարակները դեռ հիմանական աշխատողներ չէին, այսինքն՝ փոխարինողներ կամ կամավորներ էին։ Նաև շրջել եմ նախակրթարաններով՝ Արևելյան, Արևմտյան, Հյուսիսային, ինչպես նաև Քոլեջ։  Շարունակել կարդալ “Հաշվետվություն”

Հաշվետվություն. Սեպտեմբերի 16֊20

Ներկայացնում եմ դաստիարակների՝Աշնանային պարտեզ.սեպտեմբերի 16-20_ի հաշվետվությունները։

Ըստ դպրոցների 

  1. Արևելյան դպրոց
    Հասմիկ Հարությունյան և Անահիտ Հովհաննիսյան
  1. Արևմտյան դպրոց
    Արևիկ Ուզունյան և Լուսինե Զաքարյան
    Մարգարիտա Հեքիմյան և Մարիանա Դարբինայն
  2. Հարավային դպրոց
    Լիլիթ Առաքելյան և Անի Գրիգորյան
    Սոնա Նակաշյան և Լիլիթ Հովհաննիսյան
  3. Հյուսիսային դպրոց
    Գոհար Հարությունյան և Արմինե Եղիազարյան
    Սոնա Կարապետյան
  4. Քոլեջ
    Աննա Հայրոյան և Հասմիկ Նազարյան
    Էմմա Տերտերյան և Իրինա Սարգսայն
    Վարդ Օսիպովա և Մարիամ Պետրոսյան
    Էլյա Գրիգորյան և Անի Մարտիրոսյան
    Նելլի Պողոսյան

Հաշվետվություն. 9_13

Ներկայացնում եմ դաստիարակների՝Աշնանային պարտեզ.սեպտեմբերի 9-13_ի հաշվետվությունները։

Ըստ դպրոցների 

  1. Արևելյան դպրոց
    Հասմիկ Հարությունյան և Անահիտ Հովհաննիսյան
  2. Արևմտյան դպրոց
    Արևիկ Ուզունյան և Արմինե Եղիազարյան
    Մարգարիտա Հեքիմյան և Մարիանա Դարբինայն
  3. Հարավային դպրոց
    Լիլիթ Առաքելյան և Անի Գրիգորյան
    Սոնա Նակաշյան և Լիլիթ Հովհաննիսյան
  4. Հյուսիսային դպրոց
    Գոհար Հարությունյան
    Սոնա Կարապետյան
  5. Քոլեջ
    Աննա Հայրոյան և Հասմիկ Նազարյան
    Էմմա Տերտերյան և Նելլի Պողոսյան
    Վարդ Օսիպովա և Մարիամ Պետրոսյան
    Էլյա Գրիգորյան և Անի Մարտիրոսյան

Հաշվետվություն 2-6

Յուրաքանչյուր ամսվա սկզբին տեղի է ունենում դաստիարակների հավաք -սեմինար, որտեղ միասնական, ըստ ուսումնական օրացույցի՝ քննարկում ենք մեկ ամսվա աշխատանքային գործունեությունը, նախագծերը, ինչպես նաև 2-4 տարեկանների խնամքի և զարգացման խմբերի հիգիենայի, սննդի, անվտանգության ճիշտ կազմակերպման նորմերը։  Շարունակել կարդալ “Հաշվետվություն 2-6”